سيزيف مصري

في الأسطورة الأغريقية، سيزيف في الجحيم وعقابه أن يرفع صخرة من القاع حتي قمة جبل شاهق، وقبل أن يصل بقليل تسقط منه لأسفل، فيعود ليبدأ من جديد، بلا نهاية. ما أشبه ذلك بنا، أولادك يا بلدي

Sunday, July 15, 2007

تدوينة إلحادية

تدوينة إلحادية
"ولعت كتير"

1
صغير

ثلاث حكايات قصيرة مع لأمي: (1) النهارده وأنا راكبة الميكروباص كان في الكراسي اللي قدامي راجل وست محجبة، هي جنب الشباك وهو علي الحرف وفي مكان فاضي في النص، الكرسي الوحيد اللي لسه فاضي في العربية. ركبت واحدة ست منقبة. هي قالت للست التانية اللي جنب الشباك: "تعالي إنتي في النص وهاتيني مكانك بعد إذنك، عشان ماقعدشي جنب راجل." قالتلها: "ليه يعني هو إنتي ست وأنا لأه؟ أنا زيي زيك." وما رضيتشي تقوملها. (2) خالتك *** لبست نقاب، و***** كمان. بيقولوا عشان ما حدش يبص عليهم يعني. أنا: وهو يعني لو حد بص علي واحدة هيجري لها ايه؟ كلام فاضي، ما تديش للي يعمل حاجة زي كده أي عذر، دول ناس عايزين ينعزلوا عن الدنيا والناس وحتي أهاليهم، وطبعاً تلاقي جوز خالتي هو اللي خلاها تلبسه؟ أمي: لأ والله هي اللي قالتله هالبس النقاب يا *** وهو فرح طبعاً وقالها هاجيب لك واحد. ما فيش واحدة بتلبس حاجة زي كده غصب عنها. أنا: يعني هو ساعات الواحدة بيبقي عليها ضغوط من حاجات كتير تخليها تقبل حاجة هي مش عايزاها. بس خالتي أصلاً كانت عايزة تنتحر، عشان ما حدش بيسأل فيها من اخواتك وعندها مشكلة نفسية من كده فبدل ما تموّت نفسها قالت تدفن نفسها بالطريقة دي. (3) أمي: هي العيلة كلها اتنقبت، ما بقوش يروحوا لحد ولا يجولنا زي زمان، بس كلهم ماشاء الله ربنا كرمهم والرجالة جابوا عربيات، الأربع إخوات. بس هما مع بعض كويسين وعلي طول يروحوا لبعض...أنا: أيوه بس ما فيش علاقة يعني بين كرم ربنا وبين لبس النقاب، بس الفكرة إنهم ما بيعملوش حاجة في الدنيا إلا الشغل فطبعاً لازم يبقي معاهم فلوس، ده غير إنهم بيعملوا دايرة حواليهم ويقفلوها عليهم وبيساعدوا بعض، يعني هما عندهم عربيات بس بيروحوا بيها لبعض..بس. أمي: في العزا بتاع ستك، البنات ما سلمتش علي أبوك، مع إنه زي أبوهم، كانوا زمان يقولوا عمنا وبتاع، بس المرة دي خلاص بقي. أنا: حاجة تحرق الأعصاب. أمي: ليه واحنا مالهم. أنا: ماهم بتوعنا برضة. أمي: يابني هما في حالهم واحنا في حالنا
2
متوسط

زياد الرحباني أهم موسيقي عربي دلوقتي، علي الإطلاق. من أغانيه الأخيرة اللي باحبها له "ولعت كتير" اللي غنيتها سلمي في ألبوم مونودوز، واللي بعدين إداها للفور كاتس اللي غنوها في ألبوهم الأخير اللي حمل اسم الأغنية. طبعاً سلمي واكله الفور كاتس في الغنا، وما عنديش شك انه عارف إنها بتغني الأغنية أحسن منهم، لكن ليه يديها لهم؟ أكيد حاجة من تلت أسباب: لأنهم مزز وفي هذا يتفوقوا علي سلمي، أو لانتشاره والتسويق لنفسه لجمهور الفور كاتس زي ما عمل مع لطيفة، أو عشان الفلوس. الأغنية بصوت سلمي، لكن فيه لينك لتحميل الأغنية بصوت سلمي وصوت الفور كاتس
3
كبير




فين المسئولية؟


"عم بحكي رد عليا "


--------------------------------------------

مرجع: الأغنية
ولّعت كتير خلصت الكبريتي

لا إنت الزير...لانيّ نفرتيتي

من فضلك تبقى لما بتيجي المي

خلي المي توصّل عالتبخيتة

قايلي بيت مش قايل تخشيبة

كيف هيدا حيط و نصه مهدّا بسيبة

على كلن هلأ لما بتيجي المي

سكر هي ولا يعني مصيبة

عم بحكي رد عليّ

وبس تحكي اتطلع فيا

إذا فكرك قوي يا فهلوي منك بهالقويّة

ولا يوماً راح بتسير!
...

جربت الفيش شرأط بين إيديّ

أنا بدي عيش عيشة طبيعيّة

هاي جارك عنده مولد قله بليز

مد بريز اخدمني توصى فيّ
...

فاتح سلطان عليّ وفاشل مية بالميه

إزا فكرك حلو لأ مش حلو أنا عندي الأولوية

مشتلشق قصداً في
فكرك قوة شخصية
و إذا فكرك حلو لأ مش حلو أنا عندي الأولوية
ولا شكلك فاهم كيف
وينوي السيف شو بحف الكسرولا
ما في شي نضيف و لا ناو الحمد لله
قللي كيف ممكن انو تسكن بنت عندك انت
قللي شو بتعملا
وينوي السيف شو بحف الكسرولا
ما في شي
Lessieur
ولا جايب
Mazola
قللي كيف ممكن انو تسكن بنت عندك انت
قللي شو بتعملا
...
قايلي انها فيلا
و هي ولا لحظة فيلا
ليك ملا فيلا لا حول الله
انت تعا شوفا كله
اشي عش فراخ كبير
صارلو شهرين عالمجلى البقلاوة
و بتدبل عين انو انت حلاوة
و الأنكى وقح و جلغ
والك عين بالعينتين
تقللي البيت مساوى
نبشت الريف على نثرة حشيشة
البقاع تضيف بس مش قدو عيشة
و من صيدا سحبة واحدة للبترون
في كميون عبى صدري بيشة

**** تم ترقيب الأسماء لحاجة لها علاقة "بولعت كتير"، يمكن في يوم ما أحكيها




Tuesday, July 10, 2007

29

يعني كان لازم تكبر؟
أنا مش فاكر ولا مرة اتمنيت فيها إنك تبقي كبير عشان تعمل حاجة معينة الكبار بس اللي بيعملوها. الجمعة اللي فاتت 6 يوليو 2007 كان عيد ميلادك. كملت ال29. كان يوم جميل. قابلت فيه أغلب اللي بتحبهم وسمعت كتير "كل سنة وإنت طيب". بس طبعاً كالعادة، كان نفسك تسمعها منها هي، مع إنك عارف إنه مستحيل. لأنها ما تعرفشي يوم عيد ميلادك، ده غير الحاجات التانية اللي هي ما تعرفهاش! 29 سنة وحاسس إنك لسه هاتبدأ! 29 سنة وما اتغيرتش كتير، لسة ماسك البالونة في إيدك، وباصص للعالم بالنظرة الغريبة دي، ولسه في الصورة لوحدك. بس المرة دي ولأول مرة بتقولها لنفسك بصدق، بدأت تعمل اللي القريبين منك بس عارفينه عنك وياما طلبوه منك: تحب الصورة. كل سنة وإنت طيب

Sunday, July 01, 2007

لا مُشْكِلَةَ لَدَيّ

أنا ما بأحبشي شعر الفصحي، بصراحة. بأحب العامية أكتر. لكن ساعات تقابلك قصيدة فصحي تلطشك وتحس إنها حاجة كويسة...وتتصور يا أخي...بالفصحي!! أتمني الإخوة والأخوات الفصحيين ما يزعلوش، لكن هو ممكن يكون العيب عندي أنا مش في الفصحة...لا مشكلة لدي، قصيدة لمريد البرغوثي

أتَلَمَّسُ أحوالي…لا مشكلة لديّ
شكلي مقبولٌ. ولبعض الفتيات
أبدو بالشعر الأبيض جذاباً
نظّاراتي متقنةٌ
وحرارةُ جسمي سبعٌ وثلاثونَ تماماً
وقميصي مكويٌ وحذائي لا يؤلمني
لا مشكلة لدي

كَفّاَي بلا قَيْدٍ. ولِساني لم يُسكَتْ بعد
لم يصدر ضدي حٌكْمٌ حتى الآن
ولم أُطرَدْ مِن عملي
مسموحٌ لي بزيارة مَن سَجَنوهمْ مِن أهلي
وزيارةِ بعضِ مقابرهمْ في بعض البلدان
لا مشكلة لدي

لا يدهشني أن صديقي أَنْبَتَ قَرْناً في رأسه
وأُحِبُّ بَراعَتَهُ في إخفاء الذيل الواضحِ تحت ملابِسِهِ
وهدوءُ مخالِبِهِ يُعجبني.
قد يفتك بي، لكني سوف أسامحه فهو صديقي
وله أن يؤذيني أحياناً
لا مشكلة لدي

ما عادت بسمات مذيع التلفزيون تُسَبِّبُ لي أمراضاً.
وتعوَّدت على توقيف الكاكيَّين لألواني
ليلاً ونهاراً. ولهذا
أَحْمِلُ أوراقي الشخصيةَ حتى في المَسْبَح
لا مشكلة لدي

أحلامي رَكِبَتْ، أمسِ، قِطارَ الليلِ
ولم أعرف كيف أودعها
وأَتَتْني أنباءُ تَدَهْوُرِهِ في وادٍ ليس بذي زرعٍ
(ونجا سائقُه من بين الركّاب جميعاً)
فحمدت الله، ولم أبكِ كثيراً
فلديَّ كوابيسٌ صغرى
سأطوِّرها، إن شاء الله، إلى أحلامٍ كبرى
لا مشكلة لدي

أتلمَّس أحوالي منذ وُلدتُ إلى اليوم
وفي يأسي أتذكر
أن هناك حياةً بعد الموتِ
هناك حياة بعد الموت
ولا مشكلة لدي

لكني أسأل:
يا ألله!
أهناك حياةٌ قبل الموت؟
***
مريد البرغوثي