سيزيف مصري

في الأسطورة الأغريقية، سيزيف في الجحيم وعقابه أن يرفع صخرة من القاع حتي قمة جبل شاهق، وقبل أن يصل بقليل تسقط منه لأسفل، فيعود ليبدأ من جديد، بلا نهاية. ما أشبه ذلك بنا، أولادك يا بلدي

Sunday, July 15, 2007

تدوينة إلحادية

تدوينة إلحادية
"ولعت كتير"

1
صغير

ثلاث حكايات قصيرة مع لأمي: (1) النهارده وأنا راكبة الميكروباص كان في الكراسي اللي قدامي راجل وست محجبة، هي جنب الشباك وهو علي الحرف وفي مكان فاضي في النص، الكرسي الوحيد اللي لسه فاضي في العربية. ركبت واحدة ست منقبة. هي قالت للست التانية اللي جنب الشباك: "تعالي إنتي في النص وهاتيني مكانك بعد إذنك، عشان ماقعدشي جنب راجل." قالتلها: "ليه يعني هو إنتي ست وأنا لأه؟ أنا زيي زيك." وما رضيتشي تقوملها. (2) خالتك *** لبست نقاب، و***** كمان. بيقولوا عشان ما حدش يبص عليهم يعني. أنا: وهو يعني لو حد بص علي واحدة هيجري لها ايه؟ كلام فاضي، ما تديش للي يعمل حاجة زي كده أي عذر، دول ناس عايزين ينعزلوا عن الدنيا والناس وحتي أهاليهم، وطبعاً تلاقي جوز خالتي هو اللي خلاها تلبسه؟ أمي: لأ والله هي اللي قالتله هالبس النقاب يا *** وهو فرح طبعاً وقالها هاجيب لك واحد. ما فيش واحدة بتلبس حاجة زي كده غصب عنها. أنا: يعني هو ساعات الواحدة بيبقي عليها ضغوط من حاجات كتير تخليها تقبل حاجة هي مش عايزاها. بس خالتي أصلاً كانت عايزة تنتحر، عشان ما حدش بيسأل فيها من اخواتك وعندها مشكلة نفسية من كده فبدل ما تموّت نفسها قالت تدفن نفسها بالطريقة دي. (3) أمي: هي العيلة كلها اتنقبت، ما بقوش يروحوا لحد ولا يجولنا زي زمان، بس كلهم ماشاء الله ربنا كرمهم والرجالة جابوا عربيات، الأربع إخوات. بس هما مع بعض كويسين وعلي طول يروحوا لبعض...أنا: أيوه بس ما فيش علاقة يعني بين كرم ربنا وبين لبس النقاب، بس الفكرة إنهم ما بيعملوش حاجة في الدنيا إلا الشغل فطبعاً لازم يبقي معاهم فلوس، ده غير إنهم بيعملوا دايرة حواليهم ويقفلوها عليهم وبيساعدوا بعض، يعني هما عندهم عربيات بس بيروحوا بيها لبعض..بس. أمي: في العزا بتاع ستك، البنات ما سلمتش علي أبوك، مع إنه زي أبوهم، كانوا زمان يقولوا عمنا وبتاع، بس المرة دي خلاص بقي. أنا: حاجة تحرق الأعصاب. أمي: ليه واحنا مالهم. أنا: ماهم بتوعنا برضة. أمي: يابني هما في حالهم واحنا في حالنا
2
متوسط

زياد الرحباني أهم موسيقي عربي دلوقتي، علي الإطلاق. من أغانيه الأخيرة اللي باحبها له "ولعت كتير" اللي غنيتها سلمي في ألبوم مونودوز، واللي بعدين إداها للفور كاتس اللي غنوها في ألبوهم الأخير اللي حمل اسم الأغنية. طبعاً سلمي واكله الفور كاتس في الغنا، وما عنديش شك انه عارف إنها بتغني الأغنية أحسن منهم، لكن ليه يديها لهم؟ أكيد حاجة من تلت أسباب: لأنهم مزز وفي هذا يتفوقوا علي سلمي، أو لانتشاره والتسويق لنفسه لجمهور الفور كاتس زي ما عمل مع لطيفة، أو عشان الفلوس. الأغنية بصوت سلمي، لكن فيه لينك لتحميل الأغنية بصوت سلمي وصوت الفور كاتس
3
كبير




فين المسئولية؟


"عم بحكي رد عليا "


--------------------------------------------

مرجع: الأغنية
ولّعت كتير خلصت الكبريتي

لا إنت الزير...لانيّ نفرتيتي

من فضلك تبقى لما بتيجي المي

خلي المي توصّل عالتبخيتة

قايلي بيت مش قايل تخشيبة

كيف هيدا حيط و نصه مهدّا بسيبة

على كلن هلأ لما بتيجي المي

سكر هي ولا يعني مصيبة

عم بحكي رد عليّ

وبس تحكي اتطلع فيا

إذا فكرك قوي يا فهلوي منك بهالقويّة

ولا يوماً راح بتسير!
...

جربت الفيش شرأط بين إيديّ

أنا بدي عيش عيشة طبيعيّة

هاي جارك عنده مولد قله بليز

مد بريز اخدمني توصى فيّ
...

فاتح سلطان عليّ وفاشل مية بالميه

إزا فكرك حلو لأ مش حلو أنا عندي الأولوية

مشتلشق قصداً في
فكرك قوة شخصية
و إذا فكرك حلو لأ مش حلو أنا عندي الأولوية
ولا شكلك فاهم كيف
وينوي السيف شو بحف الكسرولا
ما في شي نضيف و لا ناو الحمد لله
قللي كيف ممكن انو تسكن بنت عندك انت
قللي شو بتعملا
وينوي السيف شو بحف الكسرولا
ما في شي
Lessieur
ولا جايب
Mazola
قللي كيف ممكن انو تسكن بنت عندك انت
قللي شو بتعملا
...
قايلي انها فيلا
و هي ولا لحظة فيلا
ليك ملا فيلا لا حول الله
انت تعا شوفا كله
اشي عش فراخ كبير
صارلو شهرين عالمجلى البقلاوة
و بتدبل عين انو انت حلاوة
و الأنكى وقح و جلغ
والك عين بالعينتين
تقللي البيت مساوى
نبشت الريف على نثرة حشيشة
البقاع تضيف بس مش قدو عيشة
و من صيدا سحبة واحدة للبترون
في كميون عبى صدري بيشة

**** تم ترقيب الأسماء لحاجة لها علاقة "بولعت كتير"، يمكن في يوم ما أحكيها




11 Comments:

  • At 1:51 AM, Blogger The Alien said…

    أنا بموت ف الشريط بتاع سلمة مونودوز
    وزياد فعلا اهم وأقوي موسيقي دلوقتي
    وغريبة فعلا إنه يدي اﻷغنية للفور كاتس

    شكرا علي كلمات اﻷغنية
    تحياتي

     
  • At 10:37 PM, Blogger سيزيف مصري said…

    علي العموم كلمات الأغنية أنا كاتبها كده سماعي، وطبعاً في حاجات مش فاهمها وعايزة فك شفرة، ووارد يكون فيها أخطاء. بس أجمل حاجة ممكن يحبها موسيقي إنك تحب مزيكته حتي لو ما فهمتش الكلام، بيتهيألي أغاني كتير لفيروز ليها نفس الوضع

     
  • At 12:35 AM, Blogger Hassan El Helali said…

    سيزيف

    صورة المنقبات في غاية البشاعة لدرجة الإبداع!!! إسمح لي بالإشارة إليها في مدونتي

     
  • At 1:05 AM, Blogger سيزيف مصري said…

    أهلاً يا عم حسن
    براحتك طبعاً، ما فيش حاجة بتاعة حد! بس أنا كنت أتمني إنك تشير إلي حاجة كويسة!

     
  • At 7:52 AM, Blogger سلامٌ عليكِ said…

    This comment has been removed by the author.

     
  • At 8:04 AM, Blogger سلامٌ عليكِ said…

    أول مرة ادخل هنا
    مدونة جميلة بجد
    انا بصراحة مسمعتش سلمى قبل كدة
    لكن سمعت الاغنية من الفور كاتس فى الاعلان وعجبتنى اوى مزيكتها حتى استغربت انهم يعملوا مزيكا حلوة وبرده مكمنتش اعرف ان زياد هو اللى اداهم الاغنية دى .. بس زعلت منه اوى..
    كنت ناوية اسمع الاغنية بس بعد الاعلان اللى فى التليفزيون والبوستر اللى فى الشارع قرفت من الاسفاف
    حاولت انزلها من هنا بس اللينك مش شغال
    معلش ممكن ترفعها تانى وتكسب فيا ثواب
    مش عايزة اسمعها بصوت لافور كاتس بصراحة

    تعليق كمان بقى على اول جزء فى التدوينة
    بصراحة اول موقف دة جامد جدا
    والست دى فعلا مستفزة واللى ردت عليها والله احييها بجد
    تانى موقف .. مش عارفة بس هى حرية بجد كل واحدة حرة وشايفة هى عايزة تلبس ايه اما لو النقاب خلاها متسلمش على اهلها وماتزورهمش علشان عيب ولا حرام ولا ولا الكلام العجيب دة يبقى صبااااح الخيييير
    بجد المشكلة مش فى النقاب المشكلة فى العقول اللى بتلبسه
    فى منتفبات بنى ادمين عاديين جدا وفى منهم أجارك الله
    يعنى زى أى حد والصنيف على اساس اللبس مش مقتنعة بيه
    يعنى زى ما تقول مثلا كل الرجالة اللى بيعملوا دقنهم دولاس دمهم تقيل !! كلام مش مقبول
    النقاب ملوش دعوة .. يمكن حاجة كدة زي ما تقول فيه ناش بينقبوا عقولهم قبل وشهم
    وبجد باحييك تانى

     
  • At 3:15 AM, Blogger سيزيف مصري said…

    العزيزة إيجي جرل
    أشكرك علي إطراء مدونة سيزيف (خطر كبير علي أصابع قدميكي أن تحمر وجنتيك وأنتي تحملي صخرة). أنا رفعت الأغنية مرة أخري بصوت سلمي، في موضع اللنك القديم في التدوينة أو
    http://www.savefile.com/files/934556

    اتفق معكي أن التعميم خطأ في أي شيء، ومن بين ذلك الكلام عن المنقبات، ولكني أحياناً أفشل في أن اكون موضوعياً معهن - من الصعب علي احتمال ما وصفتيه بنقاب العقول. بالتأكيد فإن أسباب مختلفة توجد خلف ارتداء النقاب، بالتالي شخصيات مختلفة، ربما أحاول التكلم عنهم يوما ما
    أشكرك

     
  • At 4:30 PM, Blogger msaid999 said…

    والله النقاب ياأحباب العلماء اختلفوا فيه لكن اللي مفهوش خلاف هو الحجاب يعني تغطية الجسم بكامله !!

     
  • At 3:12 PM, Blogger BElieVE said…

    أشكرك لأنك عرفتني بصوت سلمي الجميل

     
  • At 4:15 AM, Anonymous Bird of Ales said…

    أسمع القصه دي واحده صاحبتي أتنقبت لأن بناتها منقبات وبتتكسف تخرج معاهم بحجاب عادي
    النقاب يبدو انه عدوي وبرضه الفراغ الديني والنفسي .. والفقر الشديد إلى الله الذي نعاني منه جميعا ربما يكون سبب
    وقصة واحد تقعد جنب راجل ومش عارف ايه دي الناس أتجننت بتدور علي اي حاجه تتشاكل عليها علشان الدنيا وردي وجميله ومافيش أي مشاكل
    البوست ده يطلق عليه
    هم يبكي وهم يضحك

     
  • At 7:04 AM, Blogger mahmoud mahmoud said…

    الاخ سيزيف على الرغم انى عارف انا احتمال انك تشوف تعليقى صغير قوى الا انى سررت جدا بقرائة مقالك عن الحجاب وما اعجبنى فيه هو اسلوب الكتابه فقط اما عن رفضك للنقاب ففيه كلام اخر فقد اختلف العلماء فيه ومنهم من افتى بعدم وجوب النقاب مثل الالبانى رحمه الله ولكن لا نتهم من اختارت النقاب بانها عاوزة تدفن نفسها نتيجة مشاكل نفسيه هى المشكله لما الواحد بيفشل فى جزء من حياته بيدور على جزء تانى يبقى كسبان فيه وما بيلاقوش غير الدين او الانحراف عن الوضع السليم يبقى الدين احسن اما الحجاب او ما نسميه الخمار فهو فرض يا اخى العزيز وليس حجاب الموضه الذى يغطى الشعر فقط وانما يمنع تجسيم الصدر ايضا ويجب الا نجعل عدم راحتنا لحكم ما ان نغيره بل التحرى عن صحته
    فبالامس كان الحجاب شئ لا كلام فيه ثم اصبح شئ غير لازم ثم اصبح شئ خطا وبعد كده اللى هنلاقيها لابسه حجاب يبقى تستحق الرجم؟ ارجو التفكير كثيرا فى اوامر الله قبل ان نقنع الناس بالخطأ وخصوصا ان اسلوبك مقنع يبقى تستخدمه فى الصح مش فى الحاجات اللى ممكن الناس تضيع لو اتبعت كلامك

     

Post a Comment

<< Home