سلام على الورد اللي فتّح في جناين مصر
سلام على الورد اللي فتّح في جناين مصر
سلام على الورد اللي فتّح في جناين مصر
وما كانشي خايف ينقطف
سلام على الورد اللي فتّح في جناين مصر
وقال
إن الجمال
حاجة لا يمكن تتوصف
سلام عليكم ياللي غنيتوا:
عيشة بكرامة أو بلاش
إن الحياة في الظلم ما تسواش
...
هتعيشوا أكتر مننا
وكأننا
ما جيناش
وإنتو وبس جيتوا
بس اللي فاطر قلبنا
سبتونا قبل ما تشوفوا بعينيكوا النور
اللي عشانه بكل شيء ضحيتوا
وعد يا حبايبي نكمّل المشوار
لحد يوم نوصل لباب النصر
لحد يوم ينهد فيه القصر
لحد يوم تبتسموا فيه لينا
ويّا ابتسامة مصر
سلام على الورد اللي فتّح في جناين مصر
سلام..
سلام..
سلام
posted by سيزيف مصري @ 3:48 PM
0 Comments:
Post a Comment
<< Home