سيزيف مصري

في الأسطورة الأغريقية، سيزيف في الجحيم وعقابه أن يرفع صخرة من القاع حتي قمة جبل شاهق، وقبل أن يصل بقليل تسقط منه لأسفل، فيعود ليبدأ من جديد، بلا نهاية. ما أشبه ذلك بنا، أولادك يا بلدي

Saturday, July 08, 2006

عيد ميلاد سيزيف



يوم الخميس اللي فات، 6 يوليو، كان عيد ميلادي، وطبعا احتفلت بيه علي غير العادة احتفالية كرنفالية استمرت حتي مطلع الفجر

الحقيقة طبعا إنه كان يوم عادي جدا حتى إني روحت فيه بدري، وما احتفلتش ولا أي حاجة، ما فيش حد افتكر عيد ميلادي طبعا، وحتي أنا تقريبا كنت ناسي

عيد ميلاد سيزيف. ابقوا افتكروا السنة اللي جاية بقي تبعتوا لي ايميل ولا حاجة

بقي عندي 28 سنة. بس السنة للي فاتت دي من يوليو 2005 ليوليو 2006 شفت فيها اللي ممكن يخليها سنين. حصلت فيها محرقة مسرح بني سويف في سبتمبر وراح فيها ناس كنت بأحبهم وما قدرناش نعملهم حاجة، وبدأت اهتمامي بالسياسة والعمل العام، وودعت ناس كتيرة بأحبها سافرت ومش ناوية ترجع، وعرفت إن فيه ناس تانية باحبها هأودعها في خلال شهور برضة ومش ناوية ترجع.
صعب الوداع الكتير ده. يعني أنا قلت استعيض عن الوحدة للي مالهاش وصف دي بعد هي ما رحلت بالأصدقاء، لكن حتي دول بينقصوا كل يوم. حتى إني فكرت إني لو هأسافر أنا برضة ممكن ما ألاقيش حد أودعه. ولسة برضة رغم كل شيء رغبتي في الرحيل وقدرتي عليه لسه محل مسائلة


بس الأمور وصلت بسيزيف لدرجة صعبة، فما بقاش بيكفيني في يوم عيد ميلادي إني أسمع "عدت يا يوم مولدي..عدت يا أيها الشقي" لعمنا فريد وكامل بيه الشناوي، بقيت محتاج حاجة "أعمق" من كده

عيد ميلاد الصخرة، اللي كل سنة بتكبر وسيزيف لازم دراعه يجمد أكتر وأكتر عشان يعرف يطلع بيها
كل سنة وإنتم طيبين وما تشوفوش حاجة وحشة

سيزيف

7 Comments:

  • At 5:57 AM, Blogger Zanoubia said…

    This comment has been removed by a blog administrator.

     
  • At 5:58 AM, Blogger Zanoubia said…

    kol sana wenta tayeb ya sisyphe

     
  • At 9:45 AM, Blogger سيزيف مصري said…

    Thank you dear.

     
  • At 11:55 PM, Anonymous Anonymous said…

    Here are some links that I believe will be interested

     
  • At 6:35 AM, Anonymous Anonymous said…

    Here are some links that I believe will be interested

     
  • At 11:19 AM, Anonymous Anonymous said…

    I like it! Good job. Go on.
    »

     
  • At 5:09 AM, Anonymous Anonymous said…

    كل سنة و لنت طيب متاخرة قوى لكن انا قرتها النهاردة و على فكرة انا عيد ميلادى فى نفس الشهر دا .
    انا معاك ان الوداع صعب و صعوبة الفراق اننا مبنلقيش حد يعوضنا اللى بيروح بقى صعب دلوقتى نلاقى الصديق
    بس على العموم الحاجة للى ممكن تصبرك انك دايما تقول ان اللى بنحبهم بتفضل ذكراهم معانا .

     

Post a Comment

<< Home